法國電影界爛仔幫Philippe Lacheau一行人嘅又一低能力作。呢勻將DC、Marvel惡搞一大輪，話說Cédric系一名渴望飾演大粒嘢嘅二打六，終於有日俾佢擁有一個飾演Super-hero「莫斯科大劫案」噶機會，原以為可以借此嚟個鹹魚翻生，證明自己系得嘅俾佢老豆睇，無唸到一場突如其來嘅車禍令佢失去記憶不單至，仲當正自己系「莫斯科大劫案」本人，於是帶著呢個身份四處展開行俠仗義噶無厘頭行動。一貫Lacheau式嘅各種腦洞大開，好多笑位，但最得我心都系裹個吸塵機嘅廣告植入，認真perfect，植入於無形之中，又不失產品本身的價值。一部唔錯嘅kill time movie，期待爛仔幫嘅下一部笑片。